فنکار ہے تو ہاتھہ پہ سورج سجا کے لا

۔۔۔۔۔۔۔۔۔۔۔۔۔ غزل۔۔۔۔۔۔۔۔۔۔

 فنکار ہے تو ہاتھہ پہ سورج سجا کے لا

 بجھتا ہوا دیا......... نہ مقابل ہوا کے لا

 دریا کا انتقام ڈبو دے نہ گھر تیرا

 ساحل سے روز روز نہ کنکر اٹھا کے لا

 اب اختتام کو ہے سخی حرف التماس

 کچھہ ہے تو اب وہ سامنے دست دعا کے لا

پیماں وفا کے باندہ مگر سوچ سوچ کر

 اس ابتدا میں یوں نہ سخن انتہا کے لا

آرائش جراحت یاراں کی بزم میں  

جو زخم دل میں ہیں سبھی تن پر سجا کے لا

تھوڑی سی اور موج میں آ اے ہوائے گل

 تھوڑی سی اس کے جسم کی خوشبو چرا کے لا

گر سوچنا ہیں اہل مشیت کے حوصلے  

میداں سے گھر میں ایک تو میت اٹھا کے لا

محسنؔ اب اس کا نام ہے سب کی زبان پر

 کس نے کہا کہ اس کو غزل میں سجا لا