طویل کرب و مصائب کا باب کتنا ہے

غزل

بتا نصیب میں میرے عذاب کتنا ہے،؟

اندھیری رات میں نکل کے دیکھ کبھی

پتہ چلے گا____ زمانہ خراب کتنا ہے

میں جانتا ہوں حقیقت کسی کو کیا معلوم

فضائے دل میں ميری__ اضطراب کتنا ہے

ہمارے ضعف پہ مت جاؤ__ فکر کو دیکھو

کہ اس میں حسن ہے کتنا ، شباب کتنا ہے

کیا ہے قصد کہ بےباق کر ہی ڈالیں گے

ذرا بتاؤ_______ ہمارا حساب کتنا ہے

زمینِ دل کو مری یہ بھگو نہیں سکتا

پتہ ہے تیرے کرم کا__ سحاب کتنا ہے

ہمیشہ جور و کرم کا____ عمل رہا جاری

کبھی نہ سوچا کہ اس میں ثواب کتنا ہے

ازل سے پڑھتے رہے ہیں کتاب عشق مگر

پتہ نہیں ہے_____ باقی نصاب کتنا ہے

بہت قریب سے پرکھا جو اس کو شیدائی

ہوا ہے علم_______ وہ عزت مآب کتنا ہے

درد کا شاعر